Sanskrit
कदाचित् कालिन्दी तट विपिन सङ्गीत अरावो
मुदाभीरी नारी वदन कमला स्वाद मधुपः
रमा शम्भु ब्रह्मामरपति गणेशार्चित पदो
जगन्नाथः स्वामी नयन पथ गामी भवतु मे ॥१॥
भुजे सव्ये वेणुं शिरसि शिखिपिच्छं कटितटे
दुकूलं नेत्रान्ते सहचर-कटाक्षं विदधते ।
सदा श्रीमद्-वृन्दावन-वसति-लीला-परिचयो
जगन्नाथः स्वामी नयन-पथ-गामी भवतु मे ॥२॥
महाम्भोधेस्तीरे कनक रुचिरे नील शिखरे
वसन् प्रासादान्तः सहज बलभद्रेण बलिना ।
सुभद्रा मध्यस्थः सकलसुर सेवावसरदो
जगन्नाथः स्वामी नयन-पथ-गामी भवतु मे ॥३॥
कृपा पारावारः सजल जलद श्रेणिरुचिरो
रमा वाणी रामः स्फुरद् अमल पङ्केरुहमुखः ।
सुरेन्द्रैर् आराध्यः श्रुतिगण शिखा गीत चरितो
जगन्नाथः स्वामी नयन पथ गामी भवतु मे ॥४॥
रथारूढो गच्छन् पथि मिलित भूदेव पटलैः
स्तुति प्रादुर्भावम् प्रतिपदमुपाकर्ण्य सदयः ।
दया सिन्धुर्बन्धुः सकल जगतां सिन्धु सुतया
जगन्नाथः स्वामी नयन पथ गामी भवतु मे ॥५॥
परंब्रह्मापीड़ः कुवलय-दलोत्फुल्ल-नयनो
निवासी नीलाद्रौ निहित-चरणोऽनन्त-शिरसि ।
रसानन्दी राधा-सरस-वपुरालिङ्गन-सुखो
जगन्नाथः स्वामी नयन-पथगामी भवतु मे ॥६॥
न वै याचे राज्यं न च कनक माणिक्य विभवं
न याचेऽहं रम्यां सकल जन काम्यां वरवधूम् ।
सदा काले काले प्रमथ पतिना गीतचरितो
जगन्नाथः स्वामी नयन पथ गामी भवतु मे ॥७॥
हर त्वं संसारं द्रुततरम् असारं सुरपते
हर त्वं पापानां विततिम् अपरां यादवपते ।
अहो दीनेऽनाथे निहित चरणो निश्चितमिदं
जगन्नाथः स्वामी नयन पथ गामी भवतु मे ॥८॥
जगन्नाथाष्टकं पुन्यं यः पठेत् प्रयतः शुचिः ।
सर्वपाप विशुद्धात्मा विष्णुलोकं स गच्छति ॥९॥
English
1
S'rî Jagannâthâshthakam
kadâcit kâlindî-tatha-vipina-sangîtaka-a-ravo
mudâbhîrî-nârî-vadana-kamalâsvâda-ma-a-dhupah
ramâ-s'ambhu-brahma-amara-pati-ganes'ârcita-a-pado
jagannâthah svâmî nayana-patha-gâmî bhavatu me
2
bhuje savye venum s'irasi s'ikhi-puccham kati-i-tat
dukûlam netrânte sahacara-kathâksham vida-a-dhateine
sadâ s'rîmad-vrindâvana-vasati-lîlâ-pari-i-cayo
jagannâthah svâmî nayana-patha-gâmî bhavatu me
3
mahâmbhodhes tîre kanaka-rucire nîla-s'i-i-khare
vasan prâsâdântah sahaja-balabhadrena ba-a-linâ
subhadrâ-madhya-sthah sakala-sura-sevâvasa-a-ra-do
jagannâthah svâmî nayana-patha-gâmî bhavatu me
4
kripâ-pârâvârah sajala-jalada-s'reni-ru-u-ciro
ramâ-vânî-râmah sphurad-amala-pankeruha-a-mukhah
surendrair ârâdhyah s'ruti-gana-s'ikhâ-gîta-ca-a-rito
jagannâthah svâmî nayana-patha-gâmî bhavatu me
5
rathârûdho gacchan pathi milita-bhûdeva-pata-a-laih
stuti-prâdurbhâvam prati-padam upâkarnya sa-a-dayah
dayâ-sindhur bandhuh sakala jagatâm sindhu-su-u-tayâ
jagannâthah svâmî nayana-patha-gâmî bhavatu me
6
para-brahmâpîdah kuvalaya-dalotphulla-na-a-yano
nivâsî nîlâdrau nihita-carano 'nanta-s'i-i-rasi
rasânando râdhâ-sarasa-vapur-âlingana-a-sukho
jagannâthah svâmî nayana-patha-gâmî bhavatu me
7
na vai yâce râjyam na ca kanaka-mânikya-vi-i-bhavam
na yâce 'ham ramyâm sakala jana-kâmyâm vara-a-vadhûm
sadâ kâle kâle pramatha-patinâ gîta-ca-a-rito
jagannâthah svâmî nayana-patha-gâmî bhavatu me
8
hara tvam samsâram druta-taram asâram sura-a-pate
hara tvam pâpânâm vitatim aparâm yâdava-a-pate
aho dîne 'nâthe nihita-carano nis'cita-a-m idam
jagannâthah svâmî nayana-patha-gâmî bhavatu me
9
jagannâthâshtakam punyam yah pathet prayatah s'ucih
sarva-pâpa-vis'uddhâtmâ vishnu-lokam sa gacchati
.jpeg)
Post a Comment